Imphal, December 28 : Manipur cabinet para Chief Minister N Biren Singh mojud thakikina Thursday din te Internationally Displaced Persons(IDPs) (ghor barbad hoija manu khan) nimitey poisa laga modod aro subidha khan dibole laga faisla loisey.
Etu meeting tu Chief Minister laga secretariat te kurisey.
Chief Minister N Biren Singh para Thursday din te tailaga X(poila te twitter) post te koisey, “ Rajya Sabha laga MP, Leishemba Sanajaoba logotey amilaga official thaka jag ate amilaga cabinet colleagues(ekey logotey kaam kora manu) logotey aji ekta meeting kurisey.”
Aro enaka bi koisey, “Ghor barbad hoija manu khan laga bhalayi nimitey aro shanty aro normal mohol laga suraksa kuribole nimitey ki kadam uthabo lagey etu laga discussion kurisey.”
Manipur cabinet para ghor barbad hoija manu khan ke poisa laga modod dibole faisla luwa tu Chief Minister N Biren Singh para olop din ageyte rajya te ghor aro sampati khan julija aro barbad hoija manu khan ke Rs 1 lakh poisa dibole announce kora picheyte ahisey.
Meitei aro Kuki majotey jati laga larayi jhagra chuli thaka te, 61,000 manu khan laga ghor barbad hoijaisey aro taikhan tu nijor laga ghor para dur hoikina asey. Taikhan tu rajya laga 350 alag alag relief camp khan te buhi asey.
May 3, 2023 te suru huwa larayi jhagra te, 4,786 ghor julijaisey ario 386 dhormic jaga jaiseki mandir aro church khan barbad hoijaisey.
Add Comment