April 13, 2024: National Investigation Agency (NIA) para tuita accused laka against ekta chargesheet file kuri nah ase, accuse hua deh main conspirator b ase. Chargesheet laka filing tho June 2023 Kwatka vehicle borne bomb blast case deh kura ase kuto Manipur deh hui shae. Etu incident deh teetha manu keh jokom kuri di shae aro public aro private properties kan bishi bangai di shae.
Agency para ekta charge sheet, kuto laka nam Mohammad Noor Hussain alias Tomba and Seiminlun Gangte alias Minlun ase, etu file kuri nah ase kui shae Indian Penal Code, Unlawful Activities (Prevention) Act (UAPA), Explosive Substances Act aro Prevention of Damage to Public Property Act laka pitor deh.
Dua tho blast deh involved taki shae kui nah pai jai shae. Blast tho ekta bridge deh hui shae, Tiddim Road (NH-02), in Kwakta Ward No. 07 Bishnupur, Manipur deh. Explosion para ekta bomb-fitted Mahindra Scorpio SUV keh trigger kuri shae. Etu blast tho June 21 , 2023 deh hui shae 7:10 nisi nah deh. Blast para bridge, electric pole, electrical assets aro osor deh taka ghor kan bangai di shae.
Add Comment