IMPHAL, January 13: CBI laga Special Investigation Team (SIT) pora Friday te Manipur Police laga khilaf 10 personnel logote court of Chief Judicial Magistrate Imphal West te chargesheet filed korise. Etu toh 2009 laga fake encounter nimi te ase.
Etu chargesheet toh DS Chauhan DSP CBI pora encounter te choi junk e mora nimi te submit korise.
Agency pora SIT ola bicche te etu toh eighth chargesheet filed kora ase.
Supreme Court toh Extra-Judicial Execution Victims Family Association Manipur (EEVFAM) aro Human Rights Alert pora petition file kora nimi te Order toh issu korise.
CBI pora chargesheet te koise ki investigation kora samoy te security personnel pora besi nimila accounts toh dise. Police commandos pora119 goli jolase aro 12-MLI laga sipahi pora 98 jolase koise. Hoilebi, encounter site te toh khali 12 fired bullet cartridges paise.
Etu choi jun mora manu khan toh Keishamthong Hodam Leirak laga Kshetrimayum Govind Singh, Sega Road Khwairakpam Leikai laga Ngasepam Danny Singh, Mayang Imphal Konchak laga Md. Tomba, Langol Ningthou Leimakhun laga Ahongbam Oken Singh, Uchiwa Wangbal laga Md. Mujibur Rehman aro Barbetta road Assam laga Md. Ajgar Ali ase.
Tate aro alaag namila khota dekhai kena, court ke pratna kora khota korise ki etu 10 police personnel khan ke section 302, 201 aro 34 IPC laga nije te haalibi aro trial karne maatibi.
Add Comment