Manipur: Central Jail Warder ke arrest kurishe

Imphal, February 20, 2026: Manipur Central Jail laga Warder ke arrest kurishe koishe. Yete taikhan para Jail bitor te thakhea manu khan ke phone chulabole dea karne ase. Febraury 18 din te. Manipur Police khan para Sahid Shah (35) ke arrest kurishe. Tai toh Manipur Central Jail laga Warder ase koishe. Etu toh Sajiwa te ase. Yete tai para jail bitor te thakhea manu khan ke phone chulabole dea karne.
Operation kurea homoi te. Tai laga haat para Phones aru SIM card paishe. Yete investigation kuri kina jani paishe ki. Jail laga bitor para poisa khan transaction kuri thakhishe koishe. Yete jail te thakhea khan laga account para. Yete FIR khan bi registered kurishe koishe. Imphal East District laga Heingang Police Station te.
February 18 din te. Security Forces aru Forest Department khan mili kina operation kurishe koishe. Yete taikhan para Churachandpur District laga Happi Mollen aru Chaljang Hill range te. 20 Acres laga illegal Poppy ghas bia kurishe koishe. Yete kheti laga ghor bi kuri dishe koishe. Yete duita nimok bosta aru chukka laga saman khan bi paishe koishe.