Manipur: char sal bacha mure she, aro baba jokhom pai she, Noney te bomb phutea piche

Imphal, March 15, 2026: March 14 laga phojor te, Taolingpung bosti kunto Khoupum Police station laga betor te ahea, Noney district te, ekta bomb phute she, etu te ekta char sal bacha mure she, aro tai laga baba jokhom pai she. Sources laga hesab te bomb toh 8:30 am phane phute she, Namkaolong Part-II te, bomb toh bacha ekta para ahne she koi she, aro ekta baba para bomb toh pekha bole khushesh te phute jai she. Bacha murea laga nam toh Kalaingmpou Pamei ase. Tai laga baba jokhom pa laga nam toh Thuakungam Pamei ase, tai toh 40 sal ase koi she, tai laga duata thang te be bea para jokhom pai she koi she. Sources laga hesab te, Thuankungam Pamei toh bomb toh pheka bole ja homoi, slip khai kena gere she, aro bomb toh phute jai she. Bacha toh osor te thakea toh, bomb para mure she jai she, aro baba beshe bea para jokhom pai she.  Baba toh juldi Raj Medicity te loi jai she Imphal te, medical treatment de bole karne. Etia tuk kute para bomb toh pai she naja nea koi she.