Imphal, June 21, 2025: Yete ja duita din te. Manipur laga Security Forces khan para Charta Militant group manu ke arrest kurishe koishe. Etubi alak alak district para durishe koishe.
June 19 din te. Tarika kuri kina. Jiribam District laga Kamranga Bosti te. NSCN laga manu ke durishe koishe. Aru etu toh Jiribam Police Station laga bitor te ase koishe. Etu arrest man toh Gaisinglung Meiringmei (46). Tai toh Mukti Samjang laga Bosti para ase koishe. Etu toh Noney District te ase. Authorities khan para janai dishe ki. Tai toh manu khan ke Damki khan di thakhishe. Aru bishi Criminal Activities khan bi kuri thakhishe koishe NH-37 te. Tai laga haat para Duita Mobile phones, ekta Power Bank aru Ekta Side bag.Aru etu eki din te. Police khan para duita PREPAK aru PLA laga Group manu ke durishe koishe. Etu toh Border laga Pillars No,75 aru 74 majote durishe koishe. Aru etu toh Tengnoupal District paraase koishe. Etu manu khan toh Nambram Taba Nungshi alias Shinthoiba (19) tai toh Churachandpur District laga Ngute Road para ase. Aru tai toh PREPAK (Pro) laga group member ase. Aru Thounaojam Anthony Singh (28) toh Kadamtala, Jiribam District para ase koishe. Aru tai toh PLA Group member ase koishe.
Add Comment