Manipur CM para Kuki Zo Council khan logote meeting lobo munjai ase

Imphal, March 21, 2026: The Office of The Chief Minister of Manipur para. Yete Kuki Zo Council (KZC) khan logote meeting lubo munjai ase koishe. Yete State te peace aru Normalcy khan anibole laga kotha kuribole nimete.
Aru March 17 din te laga Official Letter laga hisab te. Etu request toh Kuki Zo Council Chairman Henlianthang Thanglet logote dishe koishe. Letter te. Chief Minister toh Thanglet aru alak Council laga members khan logote meeting lubo munjai ase koishe.
Aru etu laga meeting toh March 21 din te lubole kotha kuri kina ase koishe. Etu toh Assam laga Guwahati te. Taikhan laga asili babana toh Peace aru Normalcy anibole nimete ase koishe Manipur te. Etu jamala toh bishi diri homoi ahea karne. Aru etu request toh Secretary of The Chief Minister, Neilenthang Telien para dishe koishe. Yete Council khan laga jawab toh joldi babole rukhea ase.