Imphal, March 10, 2026: 87th Raising Day laga nam para Central Reserve Police Force laga 112 Battalion khan para free medical camp organise kure she Monday te, Manipur laga Kangpokpi district te, healthcare service khan de bole karne bosti te thakea manu khan ke. Camp toh Lamchok Nepali bosti te thake she, kunto IT Raod Corridor te ase, E company, 112 BN CRPF, Gelnel laga jurisdiction betor te ase. Aro etu toh Manipur aro Nagaland laga CRPF agis betor te para kure she.
Etu initiative laga aim toh, bosti kunto beshe dur jaga khan te thakea etu khan ke healthcare khan de bole karne thake she koi she. Senior official Deputy Commandant Rajendra Prasad Raiger, Assistant Commandant Shivraj Mahualay, Unit Medical Officer Dr. Durgesh Dhote and Medical Officer-in-Charge of T. Waichong Primary Health Centre Dr. Jangkhogin Kipgen khan be thake she etu programme te. Nursing aro paramedical staff khan be thake she, CRPF aro PHC khan laga.
Etu programme te manu beshe ahe she koi she, IT Road laga osor te alak alak bosti khan te para ahe she koi she. 200 opor bosti manu ahe she koi she. Bosti laga chiefs aro authority chairman khan be ahe she, Kuki, Naga aro Nepali bosti khan laga.
Add Comment