Manipur deh agae Japanese Sumo wrestling

Imphal, 23 November: Thursday din Imphal’s Khuman Lampak Sports Complex jaga deh Manipur Sangai Festival 2018 thakise. Etu time deh Manipur toh Japanese Sumo Wrestling event host koribo karni North East majode first state hoise. Even time deh Chief minister, N Biren Singh, minster of youth affairs and sports minister, Letpao Haokip aro tusara VIP khan thakise. Speech time deh Singh pora tai laga government toh Japan aro Manipur majode relationship gara hobo karni kosish kori ase koise. Tai pora kowah toh, Japanese government pora Manipur logode phal pora relationships thakibole kora deh hosiyar pora ase. Hoilebe jaija din time deh thek pora welcome nakora karni Manipur logode invest koribole mon nahowah thakise. Japanese government logode support koribole aro mela-meli thakibole laga deh tai pora, Sumo wrestling festival  toh Japan logode phal pora mela-meli thakibole laga part ase koise. State deh Sumo wrestlers anna karni chief minister pora Salai Holding Private Limited logode kushi powah kotha janaideya thakise. Tusara side deh Manipur Polo International  laga 12th edition toh Thursday din  Imphal’s Mapal Kangjeibung jaga deh suru hoise. Etu Pole deh sob melikena six teams hesha thakibole ase. Aro etu team khan laga naam toh India A (IPA), India B (Manipur), Uruguay, USA, England aro  Haiti ase. Suru match time deh, Uruguay pora USA logode 3-1 pora jetise.