Manipur deh taka separatist outfit para ekjun keh murai di shae

July 21, 2024: Kangleipak Communist Party-Peoples’ War group para ekjun keh goli mari nah murai di shae, Manipur laka Imphal East district deh. Kangleipak Communist Party-Peoples’ War Group (KCP-PWG) tho ekta proscribed separatist outfit ase, kuto haml karne responsibility tho lui shae, police para kui shae. Etu incident tho Saturday din deh hui shae, Takhel Ngaram road deh. Police para mura manu tho RK Prithibi ase kui nah identify kuri shae. Tai tho outfit laka ekta former cadre taki shae. Saturday din deh KCP-PWG para ekta statement di shae. Taikan para Prithibi keh capital punishment di shae kui shae, taila nijor laka interest karne outfit laka nam chula karne. Outlift keh nakoi nah, tai aro taila sathi kun bah kan, extortion deh engage kuri shae, kuto para outfit laka nam keh bia kuri di shae. Police para taikan Saturday din deh, mota ekjun laka body pai shae kui shae kobor pai shae kui shae. Kobor tho pai nah, Lamlai police station laka ekta team, utu jaka deh punchi shae aro body keh recover kuri shae. Police para Lamlai police station deh ekta case register kuri nah ase kui shae etu maml deh.