April 27, 2024: Manipur laka Bishnupur district deh najana manu kan para Central Reserve Police Force (CPRF) laka tuita security personnel keh murai di shae etkta hamla deh. Etu incident tho Saturday din deh hui shae.
Police para Naranseina deh taka India Reserve Battalion (IRBn) camp tho hamla laka pitor deh ahi shae kui shae, Allegedly militants kan para, Saturday din 12:45 am phale, camp keh fire kuri shae aro bombs kan b pilai shae.
Deceased CRPF personnel kan tho sub-inspector N Sarkar aro head constable Arup Saini ase kui nah identify hui shae. Etu laka upor deh, chartha security personnel kun kan CRPF laka 128 Battalion, B company para ase, tai b hamla deh jokom kai shae.
Jokom kah manu kan keh phat Bishnupur District Hospital deh lui jai shae aro piche deh Regional Instituted of Medical Science deh shift kuri di shae, police para kui shae.
Add Comment