Manipur deputy superintendent of police (DSP) logode arrest korikena ase. Tai logode arrest kora toh, international market deh, 2.4 crore daam laga 2 kilos brown sugar tarifficing deh mela-meli hoi kena powah pora ase. Aji-kali SIT unit Manipur police deh service kori thaga deputy superintendent of police (DSP) logode Narcotics and Affairs of Border (NAB), police pora arrest korise. Arrest howah DSP laga naam toh 55 sal Takhellambam Bangkabihari ase. Superintendent of police/NAB PRO, W. Basu pora khobor janaideya hesab deh, jowah kali 5: 15 am deh Bangkabihari logode arrest toh tai laga khor Uripok jaga deh hoise. Imphal Free Press deh khobor janaideh kena thaga toh, ekta 46 sal Khumujam Robindro pora khobor janaideya bechide DSP logode arrest hoise. Robindro toh Mayang Imphal Konchak Makha Leikai, Imphal West jaga laga manu ase. Tai logode NAB pora October 28 direk two kilos Heroin brown sugar powah karni arrest howah ase.
Manipur: Drug traffic deh melikena powah pora police official ke arrest
Add Comment