Imphal, February 15, 2026: Secuirty forces khan para February 14 te, duata maiki betor manu dure she, tai jun toh People’s Liberation Army (PLA) laga member ase koi she, tai jun ke Tengnoupal district laga Indo-Myanmar border osor te dure she koi she, Manipur te.
Tai jun ke Sunrise Ground aro Gate No. 2 mojor te dure she, kunto Moreh Police Station laga betor te ahea. Tai jun laga nam toh Akoijam Sakhenbi ase, tai laga sal toh 23 ase, aro tai toh Bishnupur district te para ase. Aro alak wala laga nam toh Chongtham Hembaby ase, aro tai toh 17 sal he ase, aro tai toh Imphal West District te para ase koi she.
Aro alak ekta operation te, security forces khan para PREPAK (Pro) laga ekta member dure she, tai laga nam toh Ranjit Singh ase, tai laga sal toh 41 ase, aro tai toh Kakching district te para ase koi se. Tai ke Khabam Lamkhai te para dure she, kunto Heingang Police station laga betor te ahea. Tai laga hath te para duata mobile phone aro ekta aadhaar card pai she. Aro ekta PREPAK (Pro) laga member ke dure she, tai laga nam toh Ingudam Ingocha Singh ase koi she, tai toh Imphal East district te para ase koi she. Tai laga hath te para ekta pistol pai she, aro Rs 600 cash aro ekta mobile phone pai she. Aro ekta Kangleipak Communist Party (KCP) laga ekta member be dure she, tai toh 19 sal ase koi she, aro nam toh Khetics Thongbam ase, tai toh Imphal west te para ase koi she.
Add Comment