Manipur, January 12, 2025: Saturday din te January 11 te, Imphal laga Bir Tikendrajit International Airport para, Duijun manu ke arrest kurishe koishe. Tai dujun laga haat para 31.68 Kilograms nishina Ganja toh durishe koishe, yete tai dujun Delhi te loi jabole tarika kuri thakhishe koishe.
Yete tai dujun lagan am toh Rojit Chongtham ase, tai toh Ch. Mobimacha Singh laga bacha ase, aru tai toh Imphal West laga Singjamei Chongtham Leikai te thakhea, aru Sarangthem Dingku ase, aru tai toh S. Ingocha Singh laga bacha ase, aru tai toh Kakching District laga Kakching Khunou Thingnam Bokul Leikai te thakhea. Tai dujun toh Indigo Flight 6E-2417 laga flight para Delhi te jabo thakhishe.
Yete taikhan laga bag khan airport te screening kurea homoi te, CISF Sepai khan para etu ganja khan toh dikhishe koishe, 3da bag te. Polioce khan para report kurishe ki, lal bag te toh 16.520 kg nishina durishe, kala bag te toh 5.680 kg nishina durishe aru Green Bag te toh 5.680 kg nishina durishe. Yete sob milai kina 31.78 kg nishina durishe.
Yete tai dujun kebi, aru durea laga saman khan bi Singjamei Police Station khan laga haat te didishe koishe, yete ahibole laga homoi nimete tarika lobole karne ase koishe.
Add Comment