Imphal, July 12, 2026: Ekta 53 sal Kuki kheti kurea manu ke guli mare kena morai de she, jhum kheti te kam kurea homoi, Manipur laga Kangpokpi district te, July 11 laga din te. Tai laga maiki toh pola bole pare she, local sources khan laga hesab te. Mure ja laga nam toh Haolal Singsit ase, tai toh Govajang bosti te para ase koi she. Tai laga maiki laga nam toh Nemneikim Singsit ase, tai be Haolal logo te kheti te thake she koi she. Local manu khan laga hesab te, utu couple toh jhum kheti te kam kure thake she, aro achanak manu kumba ahe kena guli marea shuru hoi she. Bosti manu khan para koi she ki, tai khan 20 bar neshe na guli marea hune she, 4:00 pm phane. Kumba local organisations aro tateh thakea manu khan toh ko ase ki, etu hamla toh NSCN-IM aro ZUK-K laga kam ase.
Manipur: ekta Kuki kheti kurea manu ke guli mare kena morai de she jhum kheti te kam kurea homoi, Kangpokpi te
