Imphal, October 13, 2025: State laga Health Department khan laga report hisab te. Manipur te etu saal dengue bimar uthea tohdikhibole parea ase koishe. Aru yete 2,332 manu nishina khan ke bimar lagishe koishe. Aru etea tak ekjun murishe koishe Etu bimar para.
Etu cases khan toh January 1 para October 11 tak laga record khan ase koishe. Yete taikhan State pura te 5,613 samples nishina check kurishe. Yete Ja saal te toh 979 Cases nishina he thakhishe koishe. Aru Infections toh 1,353 nishina record kurishe. Yete para dikhibole parea ase ki. Etu saal he borta ulaishe.
Imphal West District te sobse bia para bimar toh lagishe koishe. Yete sob cases khan milai kina 1,679 nishina ase kkoishe. Etu pichete Imphal East te toh 363 nishina. Bishnupur te toh 68 aru Thoubal District te toh 63 cases nishina ase koishe. Aru ekjun murea wala toh Bishnupur District para ase koishe.
Aru Hill Districts majote toh. Senapti toh sobse bishi te ase koishe. Yete 45 cases thakhi kina. Etu pichete Ukhrul te 23 cases. Churachandpur te toh 3da aru Kangpokpi te toh duita ase koishe.
Add Comment