Imphal, November 28 : Tangkhul Naga frontal organization para ekta kara warning issue kurisey kuntu te etu jankari disey ki kuntu organization nohoile forum khan tu Tangkhul Naga area bhitor te taikhan laga monjuri noloikina etya chuli thaka larayi jhagra logotey jurikina thaka rally nohoilebi protest khan organise kuribole allowed nohobo.
Etu notification tu Monday din te 4ta Tangkhul civil bodies para issue kurisiley kuntu te taikhan para sob community khan logotey shanti para milijulikina thakibole aro etya chuli thaka jati laga larayi te kun laga side bi noloikina thaka laga nyom te commited thaka tu wapas dohraisey.
Etu Tangkhul frontal organization para etu notification tu Kuki-Zo tribal para plan kora “Nationawide(desh bhor laga) Rally” laga jawab te issue kurisey kuntu tu November 29 te hobole asey aro jankari pa hisap te, India laga komsikom 21 jaga te hobo kuntu te Chennai, Delhi, Assam, Kolkata, Bangaore, Mumbai, Chandigarh, Jharkhand, Manipur, Meghalaya, Tripura aro Mizoram nisna 12ta maan rajya shamil asey. Etu rally kora laga maksat tu Kuki-Zo khan para “alag administration’ nimitey demand kora ke support kuribole nimitey asey.
4ta Tangkhul frontal organization para declare kurisey, “Tangkhul Naga Frotal Organisations para kuntu hoilebi biya situation ke bardash nukuribo.” Etu 4ta organization khan tu Tangkhul Naga Wungnao Long, Tangkhul Shanao Long, Tangkhul Katamnao Saklong aro Tangkhul Mayar Ngala Long asey.
Etu notice te agey barikina dhomki disey ki etu notification laga against te kaam kora tu jaani bujikina namana laga asey koikina treat kuribo kuntu nimitey kara action lobole jaruri hoijabo.”
Add Comment