Manipur, 22 June : Manipur government, hilly districts para candidates laga allowance karney funds release kurishey kun state laga bahar dey UPSC-CSE 2024 appear kuriboley ulaishey.
Itu faisla toh Supreme Court laga directions ke follow kurina ulaishey.
Chuli thakia ethnic violence maju dey, Kuki community para aspiring civil service candidates khan exam likhiboley Imphal dey ahianai.
Itu karoney, bishi exam centres alag jagah dey locate kurishey, kuntu karoney candidates khan financial assistance luwoley lagishey, kuntu taikhan para piche dey Supreme Court ke request kurishey.
India Today laga hisab deg, Khumanthem Diana Devi, Imphal East District laga Deputy Commissioner, public note dey confirm kurishey ki concerned deputy commissioners karoney funds release kurishey.
Itu note para specify kurishey ki each candidate three din karney ek din dey Rs 3,000 pawo, totalling Rs 9,000 per candidate.
Juti itu preliminary exams toh June 16 dey luishey, assistance karney applications receive kurishey.
State government para applications submit kuriboley June 25 ke deadline set kuri dishey.
Candidates khan applications logot taikhan laga relevant documents pathawoley lagey, taikhan laga UPSC-CSE admit cards, bank account details, aro residential certificates milaina.
Manipur government, hill districts UPSC candidates karney fund release kurishey
Add Comment