Manipur government para e-ILP tracking system kulishe

IMPHAL: Manipur government para State laga jaga sob te e-ILP (Inner Line Permit) tracking system bonaishe koishe. Etu kam toh Manipur chief minister Biren Singh para tai laga office Imphal para virtually bona toh janaishe. e-ILP tracking system toh Manipur laga 4 jaga te bonaishe- Jiribam railway station, Jiribam foreigner check post, Mao gate aro Imphal airport te ase koishe. Manipur chief minister Biren Singh para koishe ke, e-ILP tracking system bona toh hoile “State te Inner Line Permit system toh mon thikena saikena jabo nemite” ase koishe. CM Biren Singh para janaishe ke, “etu platform para state te visit kora manuh kuan khan ILP samai oper bohi ase, etu manuh khan ke track koriboli motob paboli koishe. Etu samai deputy speaker of Manipur Assembly, K Robindro Singh para janaishe ke, “etu platform para state te entry, exit aro visitors ke track koriboli te besi tangor motob paboli koishe. Manipur te Inner Line Permit System toh January 2020 saal te bonaikena ase.