Manipur Guv student protest pichey Guwahati karne olaishey

GUWAHATI, SEPT 12: Protest kura students khan ekta march kurina Raj Bhavan jaa homoi security forces khan logo tey ekta scuffle (jaghara) tey engage kura la ek din pichey, Manipur Governor Lakshman Prasad Acharya Wednesday (September 11, 2024) din tey state capital Imphalcharishey Assam tey Guwahati karne. Itu homoi tey, Manipur University sob postgraduate aru undergraduate examinations khan postpone kuri dishey agey orders khan tak. Etu University ekta notification tey kuishey rescheduled examinations khan karne date khan toh juldi announce hobo. Lakshman Prasad Acharya toh Assam laga Governor asey Manipur laga additional charge logo tey. Students khan security forces khan logo tey clash kurishey Tuesday din tey tai khan la Raj Bhavan tey march kura time tey. Protestors khan Raj Bhavan phene march kuri bole koshish kurishey state police chief aru Manipur government ke security advisor laga dismissal toh mangi bole. Security forces khan tear gas shells fire kura toh chulabo lagishey protest kuri thaka students khan ke disperse kuri bole karne. 55 opor students khan reportedly jokhom huishey etu security forces khan logotey jhagara kura tey. Governor Acharya student representatives khan ke lok kurishey etu same rati.