Imphal, September 3, 2025: Manipur laga Churachandpur District toh Assam laga niche te ase koishe. Yete Assam laga Kamrup Police khan para ekta gari ke rukhaishe koishe. Aru yete Drugs paishe koishe.
Etu gati toh lal Hyundai i10 ase koishe. Aru MN 01-AW-2641 te registered kuri kina ase. Aru etu ke September 1 din te rukhaishe koishe Amingaon te. Yete bisarea pichete. Police khan para 75 sabun daba paishe koishe. Yete Heroin drugs 910 grams laga paishe koishe. Etu drugs saman khan toh gari bitor te bhal para lokai kina thakhishe koishe. Gari laga dowaja aru piche phane lokai kina thakhishe koishe.
Yete duijun ke durishe koishe. Gogou Suantak (33) toh Thangneinak Suantak laga bacha ase. Aru tai toh Sheiphei Posti para ase koishe. Aru Seilun Vaiphei (39) tohThangkho Vaiphei laga bacha ase. Aru tai toh Makhao Bosti para ase koishe. Duijun bi Churachandpur District para ase koishe. Aru tai duijun kebi arrest kurishe koishe.
Yete durea laga drugs khan toh market te bikaishe koile Rs 8 Crore laga daam ase koishe. Aru etu khan sob NDPS Act laga bitor te dali dishe koishe. Aru etea police khan para investigation khan kurea ase koishe.
Add Comment