Manipur: Imphal West aru East te operation kuri kina Banduk aru Guli paishe

Imphal, January 24, 2026: Ja duita din nishina te. Security Forces khan para Imphal West aru Imphal East Districts khan te operation kurishe koishe. Aru yete taikhan para banduk, guli, Communication kurea laga saman aru Combat gear khan paishe. Khobor hisab te. January 23 din te. Security Forces khan para Ngairangbam aru Khongakhul Bosti khan te bisarea laga operation kurishe koishe. Ertu toh Imphal West Dustrict te ase. Yete taikhan .303 Rifle aru Magazine, Single-Barrel Breech-loading (SBBL) Banduk, 5 pistol aru magazine, air Pistol aru No.36 Grenade. Forces khan para bi .303 laga 20 guli paishe. Communication set aru Bulletproof jacket bi paishe koishe. Alak operation toh January 22 din te kurishe. Yete Imphal East District laga Chanung Hill Range te ase. Yete taikhan para .303 Rifle aru Magazine. SLR magazine nathakhi kina, 8 SBBL Banduk, revolver, .22 pistol aru Magazine aru 24 guli nishina paishe koishe. Aru alak larai kurea laga saman khan bi paishe koishe.