Agencies:Manipur Assam rifles laga footballer S Ranjana Chanu toh etu bar bhi India maiki khan laga football team te select hoishe. Tai khan toh Inonesia khilaf te kheli ase.
Khobor pa hesab te Indian maiki khan laga team toh Olympics qualifier match nimite taiyar kuri ase.
Wednesday te Assam Rifles para etu kotha tai khan laga official Twitter account te koishe ke
Assam Rifles laga ‘Ranjana Chanu (Mahila Recruit) toh Indian maiki khal laga football team aro etiya tai toh team laga hissa hoishe. Aro Ranjana aro tai khan laga team toh Indonesia laga khilaf te kheli ase. Aro Indian maiki khan laga team toh Olympics laga qualifiers nimite taiyar kuri ase.
Chanu toh Myanmar te huwa AFC maiki khan laga Oylmpics qualifying tournaments laga first round te participate kurishe. Aro etiya tai Japan te hubole thaka maiki khan laga Olympics Football 2020 laga second round te khelibole select hoishe.
Indian maiki khan laga football team toh jua saal laga Olympics Qualifiers laga second round te first time qualify kurishe. Etu te Assam rifles laga Ranjana Chanu bhi khelishe. Match te India maiki khan laga football team para Myanmar ke 2-1 goal de kena harai dishe. Etu match toh Yangon te hoishe.
Olympic Qualifiers laga qualifiers toh Japan te aha saal April te hubole ase.
Add Comment