Manipur, 14 October : Former Manipur Chief Minister N Biren Singh koise ki Manipur India laga ekta important part ase, aru rajya te kiman problem ase, etu sob national level te handle kuri bole lage.
Singh reporters logot kotha koise kitia tai aji Imphal te wapas ahise ekta delegation logot, juntu te Manipur laga legislators ase, kiman ki Delhi te central BJP leaders logot meeting kori ahise.
Delegation laga main aim to party ke inform kuribo lagise ki state te ki situation cholise, aru elected members laga proposal bhi rakhi dise – ekta popular government wapas establish kuribo lagey. Etu logot, manu khan laga concern bhi uthai dise, specially internally displaced persons (IDPs) laga problem.
Tai mon para koise ki Manipur te President’s Rule agey te bhi impose kuri dise, law aru order situation hisab te. Tai koise, kitia MLAs bhi enough thakise government banabo lagi, itu homoi bhi PR continue kuribo laga faisla loi hoise — political benefit karone nohoi, hoilebi manu laga life aru property safe rakhibo karone.
Singh itu bhi condemn koise ki Shillong te historic Manipur Rajbari demolish kuri dise, aru etu ghotona ke “truly painful” kuina described koise. Tai koise, Rajbari to Manipur laga shared history aru identity represent kure.
Tai etu bhi mon pora koise ki kitia tai 2017 te office loise, state laga khand te Redlands Rajbari laga ownership thakianai, tai turant step loise etu heritage site ke preserve kuribo lagi.
Add Comment