Kangpokpi, November 2, 2026: November 1, Sunday din te. Manipur laga Kangpokpi District te. Security Forces khan excessive force toh lok kurishe. Yete duita Kuki-zo Youths ke kidnap kurea para jamala ulaishe. Yete Security khan ke baton charge aru tear gas khan philabole lagaishe. Etu manu khan ke hatabole.
Yete kunba Protesters khan toh jokhum hoi kina Kangpokpi laga District Hospital te loi jaishe koishe. Aru tate thakhea manu khan para koishe ki. Security Operation khan kuri kina Gari aru Ghor building khan laga glass khan bi bangai dishe. Yete tear gas Chula te chutu bacha, bura buri aru alak manu khan ke jamala di thakhishe.
Yete jamala nimete tate thakhea manu khan toh gusa uthi kina. Kangpokpi Superintendent of Police laga Office bahar te jama kurea suru hoishe. Yete Paoginlal Hangshing (21) aru Tinginlun Chongloi (20) laga murea body toh District Hospital te anea pichete. Duita murea manu Taphou Kuki Bosti para ase koishe. Aru yete Senapati aru Phaibung Rasta te bisarea laga operation kuri kina pa laga ase.
