Imphal, October 16, 2025: Tuesday din te. Kangpokpi Police khan para 225 laga Sabun daba nishina durishe koishe. Aru etu daba khan te Brown Sugar laga drugs khan thakhishe koishe. Yete 9.844 Kg nishina thakhishe koishe. Etu operation toh mili kina kurishe koishe. Aru Abhinav, IPS, SP Kangpokpi laga bitor te kurishe koishe.
Etu operation toh kunba manu drugs anea laga khobor hunni kina kurishe koishe. Yete Addl. SP (L&O) Kangpokpi, SDPO Kangpokpi, SDPO Saparmeina aru OC Kangpokpi Police Station khan para led kurishe. Aru yete taikhan 16 Assam Rifles and 112 Battalion CRPF khan logote mili kina kurishe koishe. Aru etu October 14 laga rati 1 pm te kurishe koishe.
Yete operation kurea homoi te taikhan para 3da manu ke arrest kurishe koishe. Veineichong Lhungdim aru Thongkhopao Lhungdim toh Kangpokpi laga Saitu Gamphajol, C. Munnom Bosti para ase koishe. Aru tai duijn toh muta maiki ase. Aru Thangminlun Haopik toh Saikul laga T.Thangkan Bosti para ase koishe.
Authorities khan para Alto gari bi uthaishe koishe. Taikhan etu gari chulai kina Drugs khan loi jai thakhishe koishe. Aru Diesel auto. Aru taikhan laga haat para Charta Mbile Phones paishe koishe.
Add Comment