IMPHAL , November 17, 2019: Sunday Manipur laga Churachandpur district te nuton artificial football jaga inaugurate kurise.
Churachandpur ta pora Manipur agriculture minister V Hangkhanlian, pora etu football ground ke Imphal te pora 65 km south Hiangtam Lamka te inaugurate kurise.
Churachandpur deputy commissioner Pawan Yadav bhi etu inaugural function te samil dhakise.
Etu ground ke toh total Rs 60 lakh pora Members of Parliament Local Area Development Scheme under te Rajya Sabha MP Mary Kom laga funding pora installed kurise.
Etu occasion te kodha kuri kena minister V Hangkhanlian pora etu ground develop karne tai khan khushi janai dise.
“Etu nuton ground toh district te dhakiya laga football-khushi baa crowd khan karne bishi lap hobo,” Hangkhanlian proa koise.
Tai district level officers (DLO) aro concerned stakeholders ke jawan khan ke sports te mon tangor kuri dibole aro nuton inaugurate kuriya football ground ke facilitate kuriya te ektam phal pora co-operate kuribole request kurise.
Tai pora aro kosie, “Manipur cabinet khan November 5 meeting te Centre khan ke Churachandpur te medical college khulibole karne hudise, aro etu toh manu khan laga bishi lampa phabna ase.
Churachadpur DC Pawan Yadav pora koise, “Ground toh district karne lab hobo aro etu pora jawan khan ke tai khan laga football skill phal hobole karne ektam tangor moka hobo.”
“Etu ground pora district te football laga future develop kuri kena bishi lampa jabo,” tai poe koise.
Add Comment