Imphal, December 29 : Manipur lyricist(gana likha manu) Akhu Chingangbam kunke Friday(Decemebr 29) te kunba bunduk bukha manu khan para bunduk laga nok te kidnap kurisiley tai tu ekey din te kidnap huwa laga olop ghonta picheyte azad hoisey.
Badmash khan para Chingangbam laga maiki aro ama ke bunduk dikhaikina taikey joborjosti kidnap kurisey.
Akhu Chingangbam tu music laga duniya te ekta dangor jana mana manu asey aro tai tu khali ekta singer aro gana likha manu huwa nimitey hey nohoikina samaj te galat kaam laga khilaf tea was utha nimitey bi mashoor asey. Tai tu bisi alag alag project te shamil asey kuntu te “A Native Tongue Called Peace” koikina ekta project bi asey. Etu project laga maksat tu Manipur te baccha khan laga majotey gana laga through para shanty feilabole laga thakisey.
Bhal kotha tu etu asey ki, etu darawana experience picheyte Akhu Chingangbam ke azad kuridisey. Khobor pa hisap te taikey kidnap kora laga karon tu tai para social media(facebook, instagram, twitter) te kiba kibi comments diya nimitey asey.
Manipur laga Chief Minsiter Biren Singh para etu khobor tu confirm kurikina koisey ki Akhu Chingangbam ke release kuridisey.
Etu majotey, Imphal East Police laga Superintendent S Ibomcha Singh para koisey ki etu mamla te investigation chuli asey.
Akhu Chingagbam tu Imphal East laga Khurai jaga para asey aro etu jag ate tailaga music aro samaj te awas utha para tai tu ekta dangor influential awas nisna asey. Tai logotey Physics te doctorate degree asey aro tai para tailaga platform tu manu khan laga rights aro samaj laga problem khan nimitey cholai. Taikey kidnap kora laga ghotna tu rajya te duta jati majotey jhamila chuli thaka homoitey olaisey.
Add Comment