Imphal, October 18 : Manipur laga duita majority Kuki-Zo community boha district te te Wednesday din te 14 ghonta bandh rakha picheytenormal zindigi rukhi jaisey.
Manipur laga duita district – Kangpokpi aro Chandel te thaka Kuki-Zo manu khan para Wednesday (October 18) laga phujur 4 a.m. te Manipur te gondogol chuli thaka homoitey murija manu khan ke somman dibole nimitey bandh arakhisey.
Manipu te May 3 para Meitei aro Kuki laga majotey larayi jhagra suru huwa te, 175 manu laga jaan jaisey.
Etu duita district te, etu bandh ke support kurikina sob business, school, college khan bon thakisey aro rasta te private gari aha juwa koranai.
Government office te kaam kora manu khan laga attendance nil thakisey.
Hoilebi, bandh chuli thaka homoitey etu duita district te security aro police laga gari khan aha juwa kuri thaka dikhisey.
Emergency service jaiseki dawai, pani supply, media fire service aro dhormic function khan tu etu bandh para exemp hoisey.
Bandh thaka homoitey, etu duita district laga bisi bhak mainroad khan ke bandh support kora manu khan para bench aro alag saman khan cholaikina block kuridisey.
Hoilebi, etya tak tu eku biya ghotna huwa laga report olanai.
Manipur te thaka 16 district majotey, 4ta district te Kuki community khan majority asey. Etu 4ta district tu : Churachandpur, Kangpokpi, Chandel aro Tengnoupal asey.
Kuki khan para Mnaipur te ekta separate administration demand kuri asey.
Add Comment