Imphal, November 1 : Committee on Tribal Unity nohoilebi CoTU Sadar Hills Kangpokpi aro Kuki Students’ Organization General Headquarter para Manipur laga sob Kuki-Zo dominate krikina thaka area khan te 48 hour bandh rakhisey.
CoTU para total lockdown rakha tu November 2 laga 6:00 am para suru hoisey aro KSO General Headquarter laga total lockdown tu November 1 laga adha rati para suru hobo.
CoTU laga Media Cell Coordinator, Ng. Lun Kipgen para koisey ki etu committee tu etu janibole bisi dukh paisey ki special commando nisna acting kora bhitor manu khan para bisi alag alag ghor aro gari khan ke jolaidisey, bisi ghor ke chor kurisey aro Imphal-Moreg road fale thaka Sinam busti te thaka church lga offering khan ke bi lootisey.
Tai para Moreh laga border town te bhitor manu group laga desh drohi harkat kora laga against te protest kora te etu committee para November 2 laga phujur laga 6 :00 am para November 4 laga 6 : 00 am tak rakhibo.
Tai para agey barikina koisey ki Myanmar laga hathyar bukhikina thaka atangwadi group khan tu anti-democratic alliance laga hisa asey aro Moreh te refuge(bachikina buhibole laga jaga bisari asey.
Tai para koisey, “ Moreh te rajya laga forces khan ke tahgra nohoilebi support kuribole laga kosis kora tu etu atangwadi khan ke free para aha juwa kuribole rasta dibole karney asey.”
Tai para etu bi koisey ki etu committee para taikhan laga Meitei atangwadi group aro Meitei forces khan ke rajya para withdraw kuribole laga demand ke pura nokora tak alag alag tarika laga dangor democratic protest launch kuribo.
Emergency services, Press aro COTU unit ke total bandh laga purview para exempt kuribo.
Add Comment