Manipur laga 10jun Kuki, 7jun Naga MLA Guwahati hotel te lok kurisey

Guwahati, February 23 : Ekta dangor khobor te, Friday din te Manipur laga Naga aro Kuki MLA khan para Guwahati te ekta jaruri meeting rakhisey.

Biswas kuribole para sources para India Today NE ke koisey ki 10jun Kuki MLA aro 7jun Naga MLA, pura milaikina seventeen MLA Friday din te Guwahati laga airport osor te thaka ekta hotel te lok kurisey. 

Etu sources para India Today NE ke koisey ki etu meeting te mojud thaka Naga MLA tmajotey, Awangbow Newmai, Khasim Vashum, Losii Dikho, K Leishyo, S.S. Olish aro alag khan thakisey. 

Sources para India Today NE ke etu bi koisey ki etu meeting te mojud thaka Kuki MLA khan tu Ngursanglur Sanate, Letpao Haokip, LM Khaute, Letzamang Haokip, Paolienlal Haokip, Nemcha Kipgen, Vungzagin Valte, Kimneo Haokip Hangshing, Chinlunthang aro Haokholet Kipgen thakisey.

Etu meeting tu bisi dangor homoitey kuri asey  jitya Manipur te jati laga larayi jhagra chuli thaka homoitey  Meitei aro Kuki duijun para bi Naga khan ke impress kuribole kosis kuri asey.

Sources para etu reveal kurisey ki Friday din te huwa meeting tu khas kurikina Hills area committee te kurisey. Hoilebi discussion tu Free Movement Regime (FMR) hataidibole laga mamla te kurisey, kuntu tu Manipur te jhamila chuli thaka laga resolution asey.

Manipur laga baki jaga khan tu juwa saal laga May moina para affect hoikina thaka laga bawajut bi etya tak, Naga para dominate kurikina thaka Manipur laga district tu bisi shanti laga mohol te asey.