Imphal, March 5, 2025: Wednesday din te Officials khan para koishe ki, yete Security Forceskhan nahea ahea para, Manipur laga 3da Valley districts khan para 16 banduk aru Banduk laga guli khan surrender kuri dishe koishe.
February 20 din te, Governor Ajay Kumar Bhalla para State laga manu khan ke Hatiar bandukkhan toh surrender kuribole janai dishe 7 din laga bitor te. Yete surrender nakuri kina durishe koile, Action lobole asekoishe.
Aru olop pichete tai para, March 6, laga 4 PM tak dealine nahoilebi homoi toh dikina ase koishe, yete Duita Hills aru Valley Districts khan kebi.
Officials para koishe ki, Duita SLR Rifles aru Magazines aru Duita Magazines te 36 guli, .303 Rifle aru Hand Grenade khan bi State Police khan ke surrender kurishe. Aru Kumbi aru Phougakchao Ikhai Police Station te, Duita Bolt Action Rifle, Local Psitol aru Magazines aru SMG Carbine khan bi surrender kurishe. Imphal East laga Porompat, Andro aru Irilbung Police Station te 3da Pistols, aru bishi guli aru 3da hand grenade khan surrender kurishe koishe. Aru Imphal West tebi, Mayang Imphal Police Station te Banduk, Guli aru Radio sets khan bi surrender kurishe koishe.
Add Comment