August 7, 2020 : Noney district Manipur laga bacha bukha maiki toh Thursday din te murishe etu bi tai ke Imphal laga paanchta hospital khan para ghussibole nadia nimete.
Etu maiki laga ghor manu khan koishe etu sob hospitals khan tai khan jaa toh Wednesday rati aro Thursday phujur te koishe tai ke admit kuribole naparibo doctors khan nathaka nimete .
state Health department para ekta committee olaishe etu chamela toh chan bin kuribole nimete aro probe panel ke hokum dishe ek haafta bithor te report dibole nimete.
Kanpatliu Kamei, 20, aro tai laga jonom nohoa bacha toh private hospital lga casualty entrance Thursday t e murishe etu bi komti hoilebi 12 ghonta huwa pichede tai laga ghor manu khan akhe wala hospital te jaa pichede.
Kanpatliu toh akhe bar Senapati district hospital 3 pm nishena te punchise Wednesday te Makuilongdi village, tai laga ghor para aha pichede .
Hospital laga doctors khan para tai ke observation te rakhishe bishi ghonta nimete aro etu pichede tai ke Imphal 10 pm nishena te hospital te murishe.
Etu hadsaa huwa pichede Manipur government para sob government aro private hospital khan ke patients khan facility te puncha toh attend kurishe etu bi emergency aro time bound cases te.”
Add Comment