IMPHAL, February 22: Manipur Chief Minister N. Biren Singh pora Thursday te koise ki tai laga government toh sob backward districts ke develop koribole maksat ase.
Thursday te Governors address ke Motion of Thanks laga kotha koriya samoy te hisa loikena tai pora etu koise, etu toh 11th Manipur Legislative Assembly laga budget session laga tweibar wala din te thakise.
Hill aro valley areas thakiya states hoikena, etiya laga government pora jakka laga hisab te budget bonaibole laage koikena janise, etu pora sob development koribole paribo.
State government pora tai khan power te ahiya bicche te phat etu toh Central government ke bi koise, tai pora koise. Etu nimite, central government pora Manipur nisina states nimite Hill Area Development Fund (HADF) olaise, official release laga hisab te chief minister pora koise.
Union government pora HADF laga nijete development nimite extra fund dibole Tamenglong/Noney district milai kena 90 backward districts junise. Tamenglong/Noney district te etu fund laga nije pora konoba developmental kam koribo karne aro Rs 90 crore laga fund pabo, tai pora koise.
State laga notun districts khan toh list te halibole pariya nai kile koile HADF laga nijete selection toh India Infrastructure Index, 2009 laga hisab pora bonaise, tai pora koise.
HADF toh juli thakibo laga system ase koikena janai diye kena, chief minister pora house ke wada korise ki state government pora etu list te halibo nimite states laga aalag backward districts laga naam bi dibo.
Etiya juli thakiya helicopter service toh trial run(testing) ase koikena, tai pora khobor korise ki full-fledged helicopter service nimite e-tendering process toh khotom hoi ase.
- Biren Singh pora etu bi koise ki state government pora sob district khan te helicopter service dibole besi kosish koribo.
Etu chief minister pora etu bi koise ki Khelo India scheme laga nijete pora sports infrastructures laga development th besi jakka te kori ase. Government pora aalag-aalag jakka te outdoor gyms bonaibole phabana ase, tai pora koise.
Governors address ke motion of thanks laga kotha toh Health and Family Welfare Minister L. Jayantakumar Singh pora aage te loi jaise aro Moirang Assembly Constituency MLA P. Saratchandra Singh pora etu ke maanise.
Tipaimukh AC MLA Chaltonlien Amo bi etu kotha baatiya te hisa loise. Olop thakikena, House pora sob milikena etu motion ke maanise, press release te koise.
Add Comment