Agencies: Friday din te India laga maiki football team para Turkmenistan ke 10-0 para harai dishe. Etu match te Manipur laga duita players para India nimite teenta (3) goals marishe. Etu match toh Turkey, Alanya te hoi thaka Turkish Women’s Cup te hoishe.
Alanya te chuli thaka Turkish Women’s Cup te India team laga etu dusra match ase.
Manipur laga 23-year laga Dangmei Grace toh India maiki khan laga football team nimite forward position te kheli. Tai para India nimite 7th minute te goal ishe. Aro Manipur lagadusra player Sorokhaibam Ranjana Chanu para game te 60th aro 62nd minute te duita goal mari dishe.
Sportskeeda match khobor hesba te Haryana, Alakhpur laga attacker Sanju toh match laga sob para bishi goals mara player thakishe. Tai toh match te hat-trick score kuribole parishe. Wednesday din te Maymol Rocky laga team toh Uzbekistan khilaf te 0-1 para hara para wapas recover kuribole parishe.
Sunday din te India toh Romania khilaf te match khelibole ase.
Add Comment