IMPHAL, January 31, 2025: Police khan para Friday din te koishe ki, Manipur laga Kakching District te, Bisarea laga operation kurea homoi te, taikhan Banduk aru banduk laga guli khan paishe koishe.
Yete taikhan para koishe ki, Tuesday din te, District laga Chairell Khunou hill para, Ekta Assault Rifle, ekta 9mm Pistol, ekta IED, duita Grenade, ekta smoke shell, ekta tear smoke grenade, ekta detonator khan paishe koishe.
Aru officials khan para koishe ki, Thursday din te Manipur Police khan para duita manu ke durishe koishe Imphal laga jaga para, yete tai dujun toh manu ke damki dikina poisa khan mangi kina durishe koishe. Yete arrest kurea manu khan toh Volunteers Welfare Fundkhan laga organisation manu ase koishe, aru taikhan ke Imphal West District laga Sagolband Tea jaga para durishe koishe.
Add Comment