Manipur laga Thoubal Te Hatiar Banduk aru Hatiar laga Guli Khan Durishe

Imphal, October 20, 2024: Sunday din te Police khan para koishe ki,  Manipur laga Thoubal District te, police khan search operation kurea homoi te banduk aru banduk laga Guli toh paishe koishe. Taikhan para koishe ki, Saturday din te, Security Forces khan search operation kurishe koishe Irong Pahar te STNBA Gate laga osor te. Bisarea homoi te taikhan, 9mm pistol, 4 hand grenades, remote nishina aru 12 cartridges nishina durishe koishe. Aru 4 khali hatiar laga magazines bi paishe, 6 khali cartridges aru dunga laga grenades khan bi paishe koishe. Ja saal para Imphal laga Valley te thakhea Meities aru Pahar osor te Kukis khan thkahea laga majo te jakara aru jamala thakhi kina, etea  200 upor manu murishe, aru 1000 manu nishina ghor nathakhi kina buhea ase koishe.