October 30,2020: Manipur minister Okram Henry para Municipal councils laga sob skilled aro unskilled workers khan ke etia jai thaka agitation phasikena thaka thankaa nadiya nimete kura toh bondh kuribole janaishe.
Municipal administration, housing & urban development (MAHUD) minister Henry para etu toh Nambol Municipal Council office Thursday din te jaa samay te koikena janaishe.
Tai jaa samay te minister para skilled aro unskilled workers kun kan Nambol Municipal Council laga office te protest kura khan ke lok kurishe.
Tai para aro bi Nambol Municipal Council laga conference hall te meeting loishe .etu meeting luwa pichede agitating members khan laga representative logote minister koikena janaishe ki chamela khan toh kotha khan para khotom kuribole paribo.
Tai koikena janaishe ki government khan kosish kuribo skilled aro unskilled workers khan laga thankaa dibole niomete municipal councils khan laga joldi hi.
Etu minister para arobi Nambol Municipal Council laga chair person aro councillors khan logote ekta review meeting loishe.
Etu meeting samay te councillors khan para tai khan laga dukh minister logote janaishe.Nambol Municipal Council khan dukh paa huna pichede minister para koishe etu chamela toh joldi khotom kuribo councillors khan logote kotha kurikena.
Etu meeting te Nambol MLA, N Loken Singh, OSD of MAHUD department, executive officer Nambol Municipal Council khan thakishe .
Add Comment