IMPHAL | May 8, 2019: Manipur Pradesh Congress laga president aro senior legislator Gaikhangam Gangmei, para bodnam kurishe ki BJP led sorkar khan toh tai khan laga khilaaf kotha kura manu khan ke FIR kuri ase .Tai koishe etia laga sorkar toh ‘FIR sorkar ‘ ase koikena janaishe .
Tuesday din Congress Bhawan te Dr NS Hardikar, Seva dal laga founder laga 131st birthday mana time te reporters khan logote kotha kura time te koishe.
Gangmei aro koishe etu FIR toh manu khan kun para sorkar khan ke advise kurishe et khan ke bi thurishe.
Tasi aro koishe Congress MLA Wangkhem constituency K Meghachandra Singh olop akhe te state laga parliamentary polls time kotha kura nimete FIR kurishe aro etu toh misa mishi ase .
Congress cheif aro koishe ki etu 12 polling stations te repolls luwa toh dikhaisjhe ki election toh thik para luwanai koikena janaishe .Inner Manipur seat laga proxy voting aro malpractises laga khobor paikena polls toh April 18 te loishe .Etu nimete Election commission para Imphal East district laga tweleve booths khan te April 24 te repolling loishe .
12 ta polling stations te pasta toh chief minister N Biren Singh, para represent kura Heingnag constituency ase aro ekta toh works minister Th Biswajit Singh laga home seat ase aro charta toh BJP MLA L Rameshwar Meetei laga Keirao ase .
Gaikhangam para aro bi Prime Minsiter Narendra Modi para Porana Congress leader aro Prime Minister Rajiv Gandhi. Ke bodnam kurishe .Etu statement diya para tai khan laga reputation bodnam kurishe kile koile tai khan jani ase ki etu party toh centre te power te nahibo.Tai koikena janaishe.
Add Comment