Imphal, October 26, 2026: Manipur te National Sports University (NSU) khan para All India Inter-University Thang-Ta Championship 2026-27 toh host kuribole ase koishe. Etu toh October 26 din para 28 tak. Yete para Country laga 31 alak alak Universities khan para 350 participants anibole ase koishe.
Etu 3da din laga Competition toh Imphal aga Khuman Lampak Sports Complex Indoor Stadium te thakhibole ase koishe. Yete duita maiki aru Muta khan karne events thakhibole ase koishe.
Etu Championship toh Association of Indian Universities 2026-27 khan para annual Sports hisab loi kina organised kurea ase koishe. Etu khobor khan toh NSU Vice Chancellor Daljit Singh Chaudhary para October 25 din te press te janai dishe. Manipur laga Chief Minister Yumnam Khemchand Singh para yete October 26 din laga 4 pm te. Khulea laga ceremony te ahibole ase koishe.
