Manipur NPF aro Congress para AFSPA hataboli demand

GUWAHATI: Manipur te BJP laga partner Naga People’s Front (NPF) aro Opposition Congress para Armed Forces (Special Powers) Act toh  Northeast jaga te pura hataboli demand korishe. Jowa Thursday din te Centre para Nagaland, Assam aro Manipur te Armed Forces (Special Powers) Act (AFSPA) thaka jaga konuba te komti koriboli fesla toh junaikena ase. NPF state General Secretary Honreikhui Kashung para koishe ke, etu Act te partial rollback kora nemite party toh kushi powa nai. “ami khan laga movement toh hoile jaga konuba ekla te nahoikena Northeast pura te AFSPA toh hataboli nemite ase,” tai koishe. Etu kotha oper te aro Congress spokesperson Devbrata Khumanthem para be koishe ke, partial rollback soruh kora toh welcome ase, hoilebi party aro para koishe ke, Manipur laga jaga sob te etu Act toh hataboli demand kori ase. Tai para aro sawal korishe ke,  keli Centre para Act toh limit bonaikena hatai ase, keli koile BJP government para toh states pura te jowa 5 saal para law aro order toh bhal hoishe koikena ase, koikena tai para janai thishe.