Manipur para regional MMA fight night host kure bole ase

Imphal, January 4, 2026: April te Manipur host kure bole Mixed martial arts fight night, aro professional larai khan toh April 4 te thake bole ase, etu event toh dua din laga ase koishe, aro etu event te Northeast khan laga fighters khan dekha bole ase koishe. Event laga title toh Manipur Pride MMA: The Rise of Warriors 1 ase, aro etu event toh BonJovi MMA aro Fitness khan para organize kurea ase. Organisers khan para koishe ki April 3 te shuru kure bo etu event, aro etu din te toh amateur khan contest thake bo, aro etu din piche professional khan khele bo koishe. Imphal laga ekta press conference te, event laga director Rangam Chiru para koishe ki etu event laga focus toh competitive exposures debole, Manipur laga fighters khan karne, kun etia be beshe komzor ase enia laga platforms khan te. Tai koishe etu event toh shuru kurea aro professional fighters khan ke mele bole debo karne ase, aro national aro international laga rasta khola bole karne ase koishe. Northeastern para fighters khan be ahebole ase, etu event te khele bole, aro etu fight night ke state laga event nahoi kena, regional contest neshe na hobole ase koishe. Organisers khan para koishe etu event toh Manipur laga sob se ekta dangor event hobole ase beshe sal piche.