Manipur: Pasta militants ke arrest kurishe

Imphal, March 19, 2026: March 17 aru 18 din te. Manipur te Security Forces khan mili kina operation kurishe koishe. Yete taikhan para militants pasta nishina ke arrest kurishe koishe. Taikhan toh State laga manu khan ke damki dikina poisa mangi thakhishe koishe.
Officials khan laga hisab te. March 18 din te. Security khan para Thokvhom Devarani Devi (43) ke arrest kurishe koishe. Tai toh KCP laga group member laga maiki ase koishe. Taikhe Imphal East District laga Kongba Makha Ucheckon te thakhea manu ase koishe. Aru tai nijor laga ghor para durishe koishe. Aru alak operation toh eki din te kurishe. Yete alak KCP member ke durishe koishe. Tai toh Moirangthem Jiten Singh (46) ke durishe koishe. Tai laga haat para mobile phone paishe. Tai duijun bi manu khan damki di thakhishe koishe.
March 17 din te. PREPAK laga member ke durishe koishe. Tai toh Thoudam Jingko Singh (25) ase koishe. Aru tai toh Thoubal District para ase. Taike Thoudam Laishram Leirak para durishe. Tai laga haat para duita 7.62 mm laga guli , mobile phone aru SIM Card aru Scooter Honda Activa laga bi durishe koishe. Aru eki din te RPF/PLA laga member ke durishe koishe. Tai toh Elangbam Abinash (21) ase koishe. Aru tai toh Kakching District laga Hiyanglam Makha Leikai para ase koishe. Aru taike Singtom jaga para durishe. Aru alak operation te. Security Khan para Mutum Ranjan Singh (46) ke durishe koishe. Tai toh KCP laga member ase. Aru tai toh Imphal East District laga Bamon Kampu para durishe koishe.