Manipur, January 30, 2025: January 29, 2025 din te, Mnaipur Police khan para duita active cadres RPF/PLA khan laga group khan laga manu ke arrest kurishe koishe. Yete taikhan Paona Bazar aru dukan khan te damki dikina poisa khan mangi thakhishe koishe. Yete Arrest kurea khan toh Nepram Bothe Metei ase, aru tai toh 24 saal ase koishe, Yengkhom Gyandas Singh alias Dinku alias Chaningkhomba ase, taibi 24 saal ase koishe.
Etu operation te, Secuirty khan para .32 Pistol toh paishe, aru magazine te Sadta guli thakhishe koishe, 7.67mm laga, duita mobilr handset, wallet, aru poisa Rs 6,210cash, aadhaar card aru duita chaka laga gari khan paishe koishe taikhan laga haat para.
Aru January 28 din laga operation te, Central Forces khan para 3da KYKL laga Cadres manu ke arrest kurishe koishe, aru ekta toh UNLF-K laga cadre ase koishe, taikhan ke general ares BP-85 aru BP-86 Tengnoupal District para durishe koishe. Yete arrest kurea manu khan ke Tengnoupal Police Station laga haat te didishe koishe. Yete taikhan toh Rishikanta Laishram (32) (KYKL), Poireiton (26) (KYKL), Naorem Yohenba Singh (26) (KYKL), Kh. Malemnganva Meitei (27) (UNLF-K) ase koishe.
Add Comment