Manipur, December 6, 2024: Security Forces khan jaga khan te bisari kina operation kurishe koishe, yete Manipur laga pahar aru valley districts phane. Yete taikhan Hatiar Banduk khan paishe koishe. Etu operation toh Thoubal District laga Fungei Ching Ngamukhong jaga te thakhishe koishe.
Yete taikhan arsenal, aru bishi banduk SLR, SMG Carbine, 12 Bore duita Barrel Banduk, 9mm aru .32 Pistols, choita phutea laga grenades, duita detonators, 39 nachula laga banduk guli, walkie-talkie aru pasta arming rings paishe koishe alak alak jaga para.
Aru ageate bi December 2 din te, Manipur Police khan para KCP (PWG) militants Group Charjun ke durishe koishe Kakching Lamkhai, Kakching District para. Etu durea manu khan lagan am toh Sandham Premkumar Singh (45), Saikhom Sidan Singh (33), Nongmaithem Haridash Singh (56), and Khundogbam Tomba Singh (40) ase koisge, taikhan laga haat para hatiar banduk khan aru manu ke damki dikina durishe koishe.
Yete arrest kurea homoi te, Police khan para 7.26X25 mm M20 Pistol aru magazine, 3da nachula laga banduk guli, pasta mobile phones, ekta gari, demand letters aru 80 blank tax receipts KCP (PWG) organisation laga hat para kurishe koishe.
Add Comment