Manipur Police Khan Militant ekta ke Arrest kurishe

Imphal, March 16, 2025: March 14 din te, Manipur Police khan para ekta People’s Liberation Army (PLA) laga militant ke arrest kurishe koishe. Etu manu toh Thokchom Diamond Meitei ase, aru tai toh 26 saal ase koishe, taike Kakching District laga Langmeidong Mamang Leikai para arrest kurishe koishe. Tai toh Langmeidong te schools khan laga Staff khan le damki dikina poisa khan mangi thakhishe koishe. Tai laga haat para Police khan Mobile Phone, Wallet aru Poisa Rs 320 loishe koishe. Aru alak Operation te, Security Forces khan para bisarea laga Operation toh suru kurishe, yete taikhan banduk aru guli khan bishi paishe koishe. Taikhan Rifles aru Magazines, Single Barrel banduk, Local para bana laga Rifles, Pumpi, banduk laga guli, IEDs, Anti-riot Stun shells, SMC Carbine Magazines, Baofeng Radio Set, Helmet, Jungle laga juta aru Guli rakhibole laga daba. Etu khan sob Churachandpur District laga Dampi ridge jaga para paishe koishe.