Manipur: Police khan para 3da Militants ke arrest kurishe

Imphal, February 19, 2026: February 18 din te. Manipur te Security Forces khan mili kina operation kurishe. Yete taikhan para 3da Militants group members ke arrest kurishe koishe. Etu toh alak alak Districts khan para ase. Aru taikhan parabi banduk aru bomb khan paishe koishe.
Police khan para koishe ki. 53 saal RPF/PLA laga member ke Thoubal District laga Khangabok para durishe koishe. Khobor hisab te. Tai toh manu khan group te ahibole mati thakhishe koishe.
Alak Operation toh Imphal West District te kurishe. Yete Taikhan para 37 saal UNLF laga member ke durishe koishe. Etu toh Lamlongei Maning Leikai para ase. Yete Mobile aru Aadhaar card paishe koishe.
Aru alak toh 34 saal laga KCP member ase koishe. Taike Imphal West District laga Singjamei Chinga Makha para durishe koishe. Police khan tai laga haat para bike aru Mobile phone paishe koishe. Tai toh manu khan ke damki dikina poisa mangi thakhishe koishe.
Security khan parabi Imphal West District laga Loitang Leikinthabi Hill range te bisarea laga operation kurishe. Yete taikhan para AK-47 aru Magaizne, duita .303 rifle, ekta double barrel, ekta single barre, 3da No.36 Grenade aru Pasta IED Bomb paishe koishe.