Manipur, December 19, 2024: December 18 din te, Manipur Police khan para 3da Kangleipak Communist Party (Military Force-MFL) laga active members durishe koishe, Imphal West laga Thangmeiband Watham Leirak para. Yete Durea manu khan lagan am toh, Gotimayum Shridevi Devi Alias Deva alias Chinglembi (27), Abujam Manosh Singh alias Apaibi (20) aru Abujam Sunder Singh alias Nanao (28).Etu operation te durea laga saman khan toh, Ekta 9mm pistol aru magazine, ekta .32 pistol aru Magazine, 10 banduk laga guli namarea laga, 3da mobile handsets aru ekta two-wheeler.
Aru Security Forces khan para Duita Underground Organisation Camps te durishe koishe, Imphal East District laga Makou Pourabi te. Yete taikhan camp para ekta air gun, ekta keypad mobile handset aru SIM card, ekta BP helmet.
Aru duita Kangleipak Communist Party laga active member ke durishe koishe, yete taikhan manu ke damkidi thakhishe koishe. Taikhan ke Imphal East District laga Mantripukhri Bazaar para arrest kurishe koishe. Yete arrest kurea lagan am toh, Sanjrambam Luha Meitei (29) aru Nongthombam Itombi Meitei (35) ase koishe. Yete taikhan laga haat para, Duita mangea laga letter kCP (PWG) laga, 16 poisa laga receipt, 3da mobile phone, ekta wallet yete Rs 2,200 thakhishe, duita ID cards, ekta lamba bag aru ekta Honda Activa Scooter.
Add Comment