Imphal, October 29, 2025: October 26 din te. Security Forces khan para operation kuri kina insurgent group laga choita militants ke durishe koishe. Yete banduk, damki dikina pa laga saman aru Communication devices khan paishe koishe. Etu toh Thoubal Imphal West, Bishnupur aru Kakching Districts te ase koishe. Authorities khan para 43 saal Bhramhacharimayum Ratankumar Sharma ke durishe koishe. Tai toh RPF/PLA laga Group member ase koishe. Taike tai nijor laga ghor. Khangarok laga Heirok Part-II para durishe koishe. Officers khan para duita phone aru duita SIM card paishe koishe.
Alak Operation toh Thoubal laga Wangjing te kurishe koishe. Yete 35 saal laga Haobijam Thoibi Devi ke durishe koishe. Aru taitoh maiki ase koishe. Tai toh KCP laga Group member ase. Police khan para koishe ki. Tai toh Thoubal District te manu khan ke damki dikina poisa mangi thakhea koishe. Aru tai laga haat para 59 demand letters paishe koishe.
Alak Operation toh Imphal West District te kurishe koishe. Yete Security khan para duita PREPAK laga Group member ke durishe koishe. Taikhan toh Longjam Yaiphaba Angom (30) aru alak wala toh Oinam Henba Singh (37) ase koishe. Tai duijun ke Thongkhong Luxmi Bazar para durishe koishe. Tai duijun toh manu khan ke aru Government Officials khan ke damki dikina poisa mangi thakhishe koishe. Officers parabi taikhan laga Gari Whote Hyundai Verna uthai loishe. Aru Mobile phone duita aru ekta Aadhaar card durishe koishe.
Manipur police khan parabi aru Duita KCP ke durishe koishe. Kakching District laga Hiyanglam Terapishak Sekmaijin phane. Etu manu toh Elangbam Lamyanba Meitei (29) ase koishe. Aru alak toh Laishram Indrakumar Singh (25) ase koishe. Tai duijun bi manu khan ke damki dikina poisa mangi thakhishe koishe.
Add Comment