March 28, 2025: March 27 din te, Manipur Police khan para yete Security Operation toh kurishe koishe, yete taikhan charta Militants ke arrest kurishe koishe, aru taikhan sob bi alak alak group para ase koishe.
Taikhan para Kangleipak Communist Party (KCP) group laga ekjun ke arrest kurishe koishe, tai toh public manu khan ke damki dikina poisa mangi thakhishe koishe, Bishnupur laga Thinungei Makha Leikai para. Etu manu toh Leishangthem Hiran Singh ase koishe, aru tai toh 40 saal ase, tai toh Maibam Chingmang laga Koutruk Ching Leikai para ase koishe, aru tai laga haat para mobile phone aru Jio Sim Card paishe koishe.
Aru etu eki din te he Police khan para KCP-PSC group manu ke arrest kurishe, Imphal East District laga Sawombung Pourabi Rasta FCI Godown osor para. Tai toh Likmabam Amijao Meitei ase, aru tai toh 27 saal ase, taitoh ImphalEast laga Keibi Awang Leikai para ase koishe.
Aru duita KCP (Taibanganba) Cadres, Loitongbam Boyai Singh (45) toh Wangoo Ahallup Mayai Leikai, aru Khumanthem Dhanabir Singh (28) toh Churachandpur para ase, taikhan ke Thoubal District laga Langthabal Khunou jaga para durishe koishe.
Add Comment